其實一年前已經開始計劃買新相機，中途出咗一次大意外一直都未有機會完成呢個願望。直到今日，終於換咗Sony A7IV！
曾經覺得影相最緊要有黑科技，所以一開始好鍾意Sony，之後種種原因轉左用一部對焦速度都幾慢嘅舊款Fujifilm XE-2。一開頭用真係好唔慣，好似乜都影唔到咁，但係慢慢發現原來之前影相真係太倚賴科技，好多基本嘅攝影技巧都係唔夠。直到XE-2用咗差唔多三年，用一部10年前嘅技術都影得靚過現有最新技術之後，決定買返部對焦快嘅Sony。原因主要係始終小狗跑得好快，要最有效率咁影到靚相好嘅相機又真係會幫到唔少。
當然如果有技術嘅話就算部相機快啲都可以整到一樣嘅效果我之前就係用Fujifilm都影到好滿意嘅作品之後覺得終於學滿師了，想將時間同埋精神留多啲喺嗰個moment，畢竟攝影對我來講唔稱得上係一個好大嘅興趣，我真正嘅興趣其實係記錄嗰一個moment，但我對美感都有要求，所以需要攝影技巧令到個回憶更加靚😌
Anyway，好開心！
