Everdell呢隻board game真心好玩，佢係一隻一至四人都玩到嘅board game，遊戲目標係透過拎各種資源建設屬於你嘅森林國度，最後邊個玩家嘅森林最高分就會勝出。
困難程度我比中組，Everdell遊戲流程唔係話真係好複雜，不過每張動物卡同埋場地咭都有唔同嘅效果，頭幾次玩要啲時間去熟習每張卡嘅效果，玩熟咗之後其實就好似捉棋咁，你要諗點樣攻又要諗點樣去守，最快拎到足夠資源起好自己個森林，又要小心人哋拎晒啲資源或者拎晒啲卡，又或者做啲對你不利嘅行動。
Everdell玩後感
係有啲燒腦㗎～ 不過如果你好似我咁都鍾意有唔同效果卡牌嘅board game嘅話 Everdell 就啱你玩啦～ 最正係而家iOS有app版，可以隨時隨地同朋友連機打 :p 正 遲啲可能拍段YouTube片講下（？
