論被裝修聲擾清夢

勁黐線，我屋企正上方嗰個單位每隔一年就會大裝修一次中，講到大裝修即係係咁鑽嘢又拆牆又揼嘢嗰啲。首先唔知佢邊度咁多錢年年大裝修，另一個問題就係點解佢需要每年咁樣裝修？

每次都不意外，啲師傅又真係好準時0900開始鑽野，工作態度抵讚，不過佢哋好鍾意鑽醒人之後0930就停，然後到第二朝九點再鑽過，其實可唔可以一次過做晒佢呢請問。

我諗咗好耐，估計佢可能係租個單位出去所以個租客完咗租約佢就執一執間屋，但正常執間屋都係油返啲油姐，佢係真係拆牆轉野個喎。究竟係發生咩事呢？個仍然係一個謎。