之前上網見到廣告，見到有一個國際級別嘅室內密室逃脫遊戲《Alice in the Wonderland Cluedupp Games》就參加咗來玩，費用佢聲稱係半價，用咗三百幾蚊。 整體而言覺得佢成個遊戲唔係幾polished， 包括到活動前一日都仲未send活動詳情資料過嚟要係咁出email追佢先至有， 而且見到有唔少其他參加者都收唔到通知，呢個明顯係報名系統未搞好。
個活動本身唔算太有新意， 大概係參考左早年嘅手機遊戲Ingress / Pokemon Go， 用地圖喺指定嘅活動範圍之內解答App內嘅問題。 題目解難方面， 遊戲以全英文形式進行， 本身識英文嘅話部份問題算係幾易答， 但亦有唔少問題係要識得外國文化先至會答到嘅， 例如有成三四題題目係關於國際象棋， 如果唔識捉根本冇得玩。 如果你問我最值得參加佢嘅原因就係因為佢同Alice in the Wonderland合作。
不過咁， 活動方建議參加者可以cosplay Alice in the Wonderland嘅角式， 即使主辦方根本冇喺現場磅參加者影相， 亦都冇任何主辦單位係附近， 不過估唔到有唔少參賽者真係着咗特別嘅衫出嚟玩， 都算係大咗俾我哋嗰日唔少歡樂（？）
