小智退休／畢業。今日嘅我唔算有太大感覺。話完全冇感覺就假嘅，話晒我由三歲開始一直追Pokemon追到而家，由細細個大牛龜電視機開始追，成日都驚做唔晒功課冇得睇，直到上啲大陸網睇翻譯組，直到YouTube都有得睇，直到電視冇再播。
講真就係電視冇再播之後改一下感覺反而係最大。究竟點解我咁鍾意Pokemon？當然本身都係鍾意呢套動畫、呢套卡通、呢個由細陪到我大嘅好朋友，但我發現我最鍾意Pokemon嘅原因其實都係因為同細佬妹一齊追。電視冇再播Pokemon嘅時候亦都係智能手機興起之時，之後越來越少小朋友會玩玩具會睇卡通片。嗰時細佬妹都大個自己有自己世界成日同自己朋友出去玩，都好少一齊睇電視，連一齊追Pokemon嘅機會都冇，我哋就越來越少一齊同一齊追一啲野。
對大部份人來講小智係喺2022畢業，對我來講小智一早係我細佬中學畢業嗰一年就連埋細佬一齊畢咗業。
成日安慰自己天下無不散之筵席，但每當離別總是傷感。不過講真最唔明係Pokémon劇組諗緊乜！人哋柯南呀海賊王啊所有其他動漫就算做咗好多年個主角都冇變，個故事一樣精彩，點解Pokemon無啦啦屎忽痕要轉主角？係點解？？？
