話說今日去咗自己練波，講真以前真係好少會自己去練，因為打波對我嚟講個熱誠其實係在於可以同朋友見面，組隊一齊合作就咁。籃球技術坦白講又冇乜正式學過，又冇乜身體優勢，如果淨係計籃球本身，唔算係我最鍾意做嘅嘢。（游水反而係w）
之前一齊打波打咗差唔多10年嘅TAMERS波友陸陸續續到出嚟做嘢，最近成日都話好忙，唔得閒打波，其實大家都係住附近放工經過籃球場一齊打陣都得姐。不過我都唔明其實冇嘅唔係時間冇嘅係精神，冇嘢係心機。 仲好記得幾個月前約極都約唔到佢哋真係好灰， 仲要有一個話準備去半年exchange，仲要有一個準備搬屋離開呢區⋯⋯ 嗰一日自己落咗去籃球場， 同自己講：「好希望今日可以識到啲新波友。」
估唔到就係呢一日撞到幾個之前有打過下嘅高中生， 佢哋幾個應該本身係識嘅。嗰日我真係太寂寞，就厚着面皮咁同佢哋打完波之後話不如開個WhatsApp group之後打波再約， 就係咁識咗幾個新波友～ 但原來佢哋同我早有淵源XD
話說特別介紹一個LKH， 佢打波好有天份， 傾偈都幾投契， 重點係原來佢話佢中一嘅時候好想有一日可以打敗我哋TAMERS隊🤣🤣🤣 話見到我哋着晒波衫又好似幾大隻，咁睇落好高強度。有一日佢終於贏咗我哋，佢好開心www（真心笑咗） 我哋果然唔打得都嚇得下人wwwwww 然後佢好波得來個人謙虛，雖然有少少內向但係溝通到（特別係相比其他同齡）， 所以呢排都同佢打波多。
至於自己去練波，主要係有兩個原因帶動：
- LKH 打波咁勁，佢又肯同我一隊， 令到我都想提升自己實力
- LKL CFu帶我出去打波見識多咗， 亦俾咗唔少打波建議我
暫時 連波主要係練返：
- 籃底！ 成日炒大，真係好垃圾。左右上手下手勾手連續入20球啦最少
- 拍波，睇緊「Float dribble」好似幾有用
- 走位，give and go thanks
打波最緊要開心！
