嚇死我其實我都知自己重咗好多㗎喇不過估唔到我而家竟然係165磅！真係嚇到眼都帶埋之前最重都係試過158，最fit嘅時候係142，而理想體重係151，即係要減成14磅😱 預計18日未必去到151啦，所以更新18日目標係154磅，之後再減。
經典案例啲朋友成日唔信我係特別黑仔今日就有一個經典案例諗住激勵下自己堅持做運動就諗住買條智能手帶來玩下其實個店員都講得啱呢啲嘢好少壞特別少係一買返嚟就壞但係點知用到我身上就真係一買返嚟就壞仲要換咗兩條都係壞不過唔緊要最緊要係有個做運動嘅心所以本身今日係計劃去打波嘅但係點知道差唔多打波嘅時間就落雨不過都冇咗keep fit嘅決心最後就喺屋企打咗10分鐘500下沙包都出晒汗㗎
不過講真個output顯然係唔夠其實聽日好想去游水不過聽日星期六屋企附近嘅公共泳池超級晒一定好多人除非好早去睇吓點聽日如果唔去游水嘅話最少去跑吓步聽日晏晝約咗屋企人食飯一定要節制！
